1Pe 2 | PONPDN | STEP | KOMAIL ari muei san son on sued karos o widin karos, o malaun, o peirin o karaun mal karos.

1 Peter 2

1 KOMAIL ari muei san son on sued karos o widin karos, o malaun, o peirin o karaun mal karos. 2 A komail en dueta seri pwelel, me apton ipwidier, ap inon ion pil en didi mau o melel, pwe komail en kakairi kida i, 3 Ma komail diaradar, me Kaun o me kalanan. 4 Komail waroki on i me rason takai maur, me aramas akan kaselar, ap lipilipiler o kasampwal ren Kot. 5 O pein komail en kakautla duen takai memaur, wiala im nenin o pwin en samero saraui, pwen kida mairon, me pwili san Nen o, me Kot kotin kupura ki Iesus Kristus. 6 I me intinidier nan puk saraui: Kilan, I kidi on nan Sion takai en pukakaim, me lipilipil o kasampwal, o me poson i, sota pan namenokala. 7 Komail ari, me liki i, pan ale pai kasampwal o; a ren me soposon akan, a rason takai eu, me men kau im akan kaselar; ari so, a wialar takai en pukakaim, 8 O takai en kapupedi, o paip en kamakar, irail kin dipikelekel, aki re sota peik ion masan o, i me pil kileledi ow irail. 9 A komail sau lipilipil eu, samero isou kan, pokon saraui, aramas me netier, pwen kaparasili manaman akan en me kotin molipedo komail san nan rotorot on a marain kapuriamui. 10 Mas komail sota wei eu, a met komail wein Kot; o mas komail sota konekonela, a met, komail konekonelar. 11 Kompok kan, i panaui komail pwe komail men kairu o men wai, komail muei san inon sued en uduk, me kin palian nen. 12 Omail wiawia kan nan pun en men liki kan en pun, pwe ni ar kine likam on komail, dene komail me sued kai, ir lao kilan omail wiawia me mau, ren kapina Kot ni ran en kasansal. 13 Komail ari duki on kaun pan aramas akan karos pweki Kaun; Ma nanmarki, pwe i ta Kaun lapalap. 14 A ma saumas akan, me pakadarado san re a, pwen depuk on me sapun kan, ap kapina me kin wiawia mau. 15 Pwe iet eten duen kupur en Kot: Komail en kadukie kidi omail wiawia mau dodok en aramas pweipwei kan. 16 Duen me saladokalar, ap sota wia kin arail saladok, men pwaindki dip arail, a duen ladun Kot. 17 Kakaki amen amen, pok on saulan kan, lan Kot, wauneki nanmarki! 18 Komail papa kan, upai on omail kaun akan ni masak, kaidin on me mau o kalanan eta, a pil on me kin kowei kodo. 19 Pwe mak eta, amen en kamekameki a pun ren Kot, o kanonama pan me sued. 20 Pwe da kadepa, ma komail pan pukoki pein dip omail? A ni omail wiawia me mau, ap kamekam ki o kanonama, nan I me mak ren Kot. 21 pwe I me komail paeker kido, pwe pil Kristus kamekam kin komail, wiala kilel pa ’mail, pwe komail komail en idauen wei lip a. 22 me sota wia dip, pil sota widin diarok nin silan i. 23 Kasuedi, a so suedeki kaankamekam, ap sota akdepuk, a a meuid on i, me kin kadiekada pun. 24 Pein I tomki dip atail nan war a nin tuka o, pwe kitail en mela san dip atail akan, ap pan maur ion me pun, me moun lip a komail kelail kidar. 25 Pwe komail rason sip, me salonalar, a met komail sapale don silepa ’mail o Kaun pan nen omail.